Las funcións do Coordinador de Calidade da Facultade de Ciencias do Mar, segundo o establecido no Manual do Sistema de Garantía Interna de Calidade no punto 2.2 do capítulo 2, son as seguintes:

• Dinamizar a política de calidade do centro.
• Informar ao equipo decanal sobre o desempeño do SGIC e sobre calquera necesidade de mellora.
• Promover a comunicación entre os distintos grupos de interese e o equipo decanal en materia de calidade.
• Liderar a implantación, desenvolvemento e seguimento do SGIC.
• Coordinar a planificación e o desenvolvemento dos programas vinculados á calidade no centro.
• Promover o coñecemento, por parte das persoas implicadas, das súas responsabilidades en materia de calidade cara aos distintos grupos de interese.
• Actuar como interlocutor directo entre o Área de Calidade e os grupos de interese do centro, informando das cuestións institucionais que se acorden e impliquen ao seu centro.

A composición da Comisión de Calidade, tal e como se recolle no Manual do Sistema de Garantía Interno de Calidade no seu capítulo de presentación, é a que segue:

• Director/a ou decano/a do centro, que a preside.
• Coordinador/a de calidade.
• Coordinador/a de cada unha das titulacións de grao do centro, ou persoa en quen delegue.
• Coordinador/a de cada unha das titulacións de mestrado do centro ou persoa en quen delegue.
• Enlace de igualdade.
• Coordinador/a do PAT/PIUNE.
•  Unha persoa representante do profesorado.
• Unha persoa representante das direccións de departamento con sede no centro.
• Unha persoa representante do estudantado de grao.
• Unha persoa representante do estudantado de máster.
• Unha persoa representante da delegación do estudantado do centro.
• Unha persoa representante do estudantado egresado.
• Persoa administradora do centro ou aquela en quen delegue.
• Unha persoa representante da sociedade.

Para consultar os membros da Comisión de Garantía Interna de Calidade pique AQUÍ.

Acceso restrinxido