Rama de coñecemento: Ciencias
Centro: Facultade de Ciencias do Mar
Coordinación: Eva Teira González
Descrición do título:
O Máster Universitario en Oceanografía pola Universidade das Palmas de Gran Canaria, a Universidade de Vigo e a Universidade de Cádiz analiza de forma interdisciplinar e multidisciplinar os procesos que teñen lugar nos océanos, incluíndo mares superficiais, marxes continentais e océano profundo, así como as estruturas resultantes destes. Este Máster ofértase con orientación investigadora, e está especialmente ideado para alumnos que pretendan acceder a postos de responsabilidade en institucións e empresas relacionadas coa Oceanografía, ou proseguir con estudos de Doutoramento no ámbito das Ciencias do Mar.
A Comisión Académica do Máster propoñerá aos alumnos non procedentes do grao en Ciencias do Mar ou titulacións afíns, os complementos formativos que deben cursar, analizando cada caso de forma individualizada, e considerando, ademais da titulación de acceso, os aspectos que acheguen nos seus CV relacionados coa Oceanografía. Os complementos formativos dependen da titulación de acceso e son: OF – Oceanografía Física, OQ – Oceanografía Química, OB – Oceanografía Biolóxica, OG – Oceanografía Xeolóxica.