Close

Planificación Académica

ESQUEMA XERAL DO PLAN DE ESTUDOS

1. Descrición Xeral do Plan de Estudos

A estrutura do plan de estudos dispón as distintas materias ao longo de catro cursos académicos, coas seguintes liñas xerais:

  1. As linguas empregadas no proceso formativo son o castelán e o galego (lingua oficial da Universidade), puidendo empregarse calquera delas na impartición da docencia. De forma puntual, aquelas materias incluídas no Plan de internacionalización da Universidade de Vigo empregarán tamén o inglés.
  2. O plan de estudos distribúese en oito semestres.
  3. Cada semestre, a excepción do último, consta de 5 materias.
  4. O segundo semestre de 4º curso dedícase a cursar as tres materias optativas (18 ECTS) simultaneamente ao desenvolvemento do TFG (12 ECTS). Deben cursarse tres materias optativas entre unha oferta de ata nove materias. Ademais, as prácticas en empresas teñen tamén a consideración de optativas, puidendo supoñer a convalidación de 6 ECTS.
  5. As materias (agás o traballo de Fin de Grado) configúranse cunha duración de 6 ECTS.
  6. O plan de estudos está organizado en tres módulos:
    • Módulo de formación básica, consta de 10 materias (60 ECTS). Este módulo proporciona ao alumno as competencias básicas expresadas na Orde CIN/352/2009, e desenvólvese practicamente por completo no primeiro curso académico, quedando unha materia no primeiro cuadrimestre do segundo curso.
    • Módulo de coñecementos e técnicas transversais, consta de 12 materias (72 ECTS) obrigatorias e 4 materias (24 ECTS) optativas. Este módulo desenvólvese desde o segundo ao oitavo semestre e proporciona as ferramientas básicas para o estudo do medio mariño.
    • Módulo profesional, consta de 13 materias (78 ECTS) obrigatorias e 4 materias (24 ECTS) optativas, que se desenvolven entre o terceiro e o oitavo semestre. Este módulo que supón unha preparación para o mundo laboral no marco europeo.
    • Prácticas externas, materia optativa de 6 ECTS, que se cursa no 2º semestre de 4º curso
    • Traballo de fin de grao, de 12 ECTS
  7. O deseño do plan de estudos do Grao en Ciencias do Mar comparte unha elevada porcentaxe (75%) das materias comúns a todas as Facultades de Ciencias do Mar de España, segundo acordo da conferencia de decanos na elaboración do libro branco. Estas materias sitúanse nos primeiros cursos da Titulación.
  8. O Grao en Ciencias do Mar está incluído no Plan de internacionalización da Universidade de Vigo, impartindo un total de 30 ECTS en materias do primeiro semestre de cada curso en inglés, ademais de en castelán e/ou galego (Física I, Botánica, Sedimentoloxía, Contaminación Mariña e Dinámica Oceánica). A Universidade de Vigo esixe unha capacitación mínima ao profesorado que imparte docencia nunha lingua estranxeira. Para impartir docencia en inglés:
    • Estarán capacitados de forma automática todos os membros do PDI que acrediten un nivel de inglés igual ou equivalente ao B2 do MCERL ou ben que acrediten ter impartido docencia en inglés nunha institución de educación superior durante polo menos dous cursos académicos consecutivos ou tres alternos.
    • O PDI que non dispoña destas acreditacións, debe realizar unha proba no Centro de Linguas que acredita unhas competencias mínimas para a docencia en inglés (HELA: Higher Education Lecturing Acreditation).

2. Distribución do plan de estudos en créditos ECTS por tipo de materia. Esquema xeral do plan de estudos:

Tipo de materia Créditos a cursar Créditos ofertados
Formación básica 60 60
Obrigatorias 150 150
Optativas 18 54
Prácticas externas (se son OB)
Traballo fin de Grao 12 12
Total 240 276
Módulo Materia ECTS Carácter (*) Cuadrimestre Curso
FORMACIÓN BÁSICA Bioloxía: Bioloxía I 6 FB
Bioloxía: Bioloxía II 6 FB
Física: Física I

6

FB
Física: Física II 6 FB
Xeoloxía: Xeoloxía I 6 FB
Xeoloxía: Xeoloxía II 6 FB
Matemáticas: Matemáticas I 6 FB
Matemáticas: Matemáticas II 6 FB
Química: Química I 6 FB
Química: Química II 6 FB
COÑECEMENTOS E TÉCNICAS TRANSVERSAIS Bioquímica 6 OB
Estatística 6 OB
Dinámica oceánica 6 OB
Modelización 6 OP
Sedimentoloxía 6 OB
Medios sedimentarios costeiros e mariños 6 OB
Botánica Mariña 6 OB
Ecoloxía Mariña 6 OB
Fisioloxía de organismos mariños 6 OB
Zooloxía Mariña 6 OB
Principios da microbioloxía mariña 6 OB
Bioloxía de Peixes e Mariscos 6 OP
Química aplicada ao medio mariño I 6 OB
Química aplicada ao medio mariño II 6 OB
Métodos en análise xeográfico 6 OP
Teledetección oceanográfica 6 OP
PROFESIONAL Xeología Mariña Aplicada 6 OB
Análise de Concas 6 OP
Contaminación Mariña 6 OB
Economía e lexislación 6 OP
Xestión mariña e litoral 6 OB
Oceanografía biolóxica I 6 OB
Oceanografía biolóxica II 6 OB
Oceanografía física I 6 OB
Oceanografía física II 6 OB
Oceanografía xeolóxica I 6 OB
Oceanografía xeolóxica II 6 OB
Oceanografía química I 6 OB
Oceanografía química II 6 OB
Acuicultura 6 OB
Parasitoloxía e microbioloxía mariña 6 OP
Pesquerías 6 OB
Recursos xenéticos mariños 6 OP
PRÁCTICAS EXTERNAS Prácticas externas 6 OP
TRABALLO FIN DE GRAO Traballo de Fin de Grao 12 OB

(*) FB = formación básica, OB = obrigatoria, OP = optativa

RAMA DE COÑECEMENTO MATERIA DA RAMA DE COÑECEMENTO
(RD 1393/2007 de 29 de outubro
)
MATERIA
DO PLAN
ECTS ECTS TOTAIS
Ciencias Matemáticas Matemáticas I 6 60
Matemáticas II 6
Física Física I 6
Física II 6
Química Química I 6
Química II 6
Xeología Xeología I 6
Xeología II 6
Bioloxía Bioloxía I 6
Bioloxía II 6

3. Procedementos de coordinación docente horizontal e vertical do plan de estudos

Un dos cambios máis significativos introducidos polo Real Decreto 1393/2007 de 29 de outubro, que establece a ordenación das ensinanzas universitarias oficiais, refírese á posibilidade de implementar unha coordinación efectiva entre todos os profesores dun título. Isto supón un cambio de mentalidade desde aquela onde se consideraba a tarefa docente como un traballo individual do docente a unha nova que considera a educación como unha responsabilidade compartida. A coordinación das titulacións debe asumirse como unha tarefa destinada a que o grupo de profesores actúe como un equipo docente, comprometido e orientado a acadar os obxectivos establecidos para o grao.

Dentro do procedemento DO 02-01: Planificación e desenvolvemento da ensinanza: Coordinación do título, o centro conta cunha guía de coordinación onde se recollen as funcións e responsabilidades dos diferentes niveis de coordinación dentro do Grao, ampliando nalgúns casos as definidas pola normativa da UVIGO.

Defínense os seguintes niveis de coordinación docente dentro do plan de estudos en Ciencias do Mar:

Coordinador/a de grao

Responsable da implementación das accións de coordinación, do seu seguimento e da avaliación continue e final das mesmas.

Será nomeado na Xunta de Facultade a proposta do equipo decanal. O seu obxectivo é a aplicación dos contidos da Memoria do título, a proposta de modificación, así como todas as accións de innovación e mellora derivadas da avaliación do desenvolvemento da titulación.

Coordinador/a de curso

Responsable de aplicar as accións do procedemento de coordinación docente.

Serán nomeados na Xunta de Facultade a proposta do equipo decanal. Son os responsables do seguimento da implantación e cumprimento dos obxectivos do título en cada un dos cursos e materias en colaboración co coordinador do título e o equipo decanal.

Coordinador/a de materia

Responsable de coordinar una determinada materia da titulación.

Son os encargados de planificar os contidos, actividades e sistema de evaluación, coordinar os contidos con materias relacionadas.

Coordinador/a de prácticas externas

Responsable da xestión e desenvolvemento das prácticas en empresas.

Será nomeado na Xunta de Facultade a proposta do equipo decanal. É o encargado de establecer o sistema que permita xestionar as prácticas académicas externas do estudantado, organizando e mellorando estas prácticas segundo o procedemento DO 0204 P1: Xestión de prácticas académicas externas.

Coordinador/a do Traballo de Fin de Grao (TFG)

Responsable do proceso de asignación de TFGs e de coordinar aos titores/as dos TFGs.

Será nomeado na Xunta de Facultade a proposta do equipo decanal. É o responsable de xestionar a materia asociada á elaboración de TFGs, actuando como coordinador da materia.

O Sistema de Garantía de Calidade (SGC) da Facultade de Ciencias do Mar contempla no seu procedemento DO0201 P1 “Procedemento de planificación e desenvolvemento da ensinanza” a fórmula de coordinación para o plan de estudos do Grao. O procedemento de Coordinación Docente do Grao en Ciencias do Mar configúrase como o instrumento básico a través do que se deseña o contido e a execución das distintas accións relativas á coordinación docente, aspecto clave para o axeitado aproveitamento do alumnado.

O sistema de coordinación constitúe un elemento fundamental na introdución dos novos obxectivos e metodoloxías e, sobre todo, servirá para profundizar nunha mellor e maior coordinación entre docentes e entre estes e o Centro. Dito sistema estrutúrase en accións de coordinación horizontal e vertical.

A coordinación horizontal sustentarase na realización de, como mínimo, dúas reunións anuais entre os coordinadores de curso e os coordinadores de materias, encamiñadas a asegurar a axeitada coordinación na programación das materias en cada curso e a informar aos profesores das iniciativas e accións promovidas dende o Decanato.

A primeira reunión realizarase ao comezo do curso. Nela, o coordinador realizará un calendario de actividades co fin de que non se produzan solapamentos entre as distintas actividades que se propoñen nas guías docentes e para a asignación dos recursos e servizos necesarios para a súa realización. Ademais, nesta reunión inicial abordarase a análise dos resultados académicos do curso anterior e das enquisas de satisfacción dos alumnos e do profesorado. Recollerase información sobre posibles incidencias.

A segunda reunión levarase a cabo ao finalizar o primeiro semestre. Nela realizarase o calendario de actividades do segundo semestre, analizaranse posibles problemáticas a resolver e proporanse as accións de melloras oportunas.

Co fin de facilitar a comunicación entre os coordinadores de materia e o coordinador/a de curso creouse na plataforma de teledocencia (TEMA, Moovi, ect.) un “espazo común de coordinación” para cada curso onde se atopa toda a información sobre a planificación do curso, informes, resultados e calquera información de interese para o desenvolvemento do curso.

Superposta á coordinación por cursos, a coordinación vertical realizarase a través de reunións, convocadas polo coordinador/a de Grao, e coa asistencias dos/as coordinadores/as dos cursos, para facilitar a coordinación entre cursos e o intercambio de experiencias. Con isto persíguese analizar as distintas propostas de mellora, establecer criterios básicos de avaliación e organizar actividades conxuntas. O coordinador/a de Grao emitirá un informe final que recolla as principais conclusións.